Përshëndetje Festive nga Ekipi i Europe House Kosovo

Të dashur miq të Shtëpisë së Evropës,

Ndërsa i themi lamtumirë vitit 2024, le të reflektojmë mbi një vit të jashtëzakonshëm rritjeje, bashkëpunimi dhe festimi në Zyrën e BE-së në Kosovë dhe në Shtëpitë e Evropës në Prishtinë e në Mitrovicën e Veriut. Ky vit, si ata para tij, është shënuar nga nisma që ofrojnë platformë për zëra që frymëzojnë dhe ide që sjellin ndryshime.

Në Shtëpitë e Evropës  në Prishtinë dhe Mitrovicë të Veriut, hapëm dyert tona për artistë që të ekspozojnë talentet e tyre, organizata që punojnë për kauza të rëndësishme dhe nisma komunitare që festojnë unitetin, gjithëpërfshirjen dhe fuqizimin. Organizuam shumë ngjarje dhe mbledhje që jo vetëm promovuan vlerat evropiane, por edhe forcuan lidhjet midis komuniteteve të ndryshme në Kosovë. 

Ky buletin ishte mënyra jonë për t’ju sjellë histori frymëzuese të individëve dhe komuniteteve të përkushtuara për të ndërtuar një të ardhme më të ndritur, më gjithëpërfshirëse dhe më të qëndrueshme për Kosovën me mbështetjen e BE-së.

Festuam momente historike me ju përmes fushatave si #ExploreEurope. Eksploruam mënyra për të qëndruar më afër duke krijuar një prani të vazhdueshme në rrjetet sociale përmes mediumeve të ndryshme për audienca të ndryshme, me misionin e vetëm për të sjellë informacion rreth disa prej arritjeve më të rëndësishme të BE-së në Kosovë dhe për t’ju informuar për mundësitë e drejtpërdrejta për ju.

Ky edicion festiv i buletinit tonë është një moment për të reflektuar mbi arritjet e vitit 2024 dhe për të marrë frymëzim për të bërë më shumë në vitin 2025!

Ndërsa hyjmë në vitin 2025, le t’ju kujtojmë disa nga punët për të cilat jemi veçanërisht krenarë dhe të shprehim mirënjohjen tonë të sinqertë për angazhimin dhe mbështetjen tuaj.

Së bashku, presim me padurim një vit tjetër emocionues!

Dhe mos harroni të na ndiqni në rrjetet tona sociale: 

Facebook: https://www.facebook.com/europehousekosovo 

Instagram: https://www.instagram.com/europehouse_ks 

Ju dëshirojmë një sezonë të ngrohtë festash dhe një Vit të Ri të lumtur!

Me dashuri,

Ekipi i Europe House Kosovo