Fuqizimi i Kosovës në rrugën drejt anëtarësimit në BE përmes angazhimit për barazi gjinore

Në një përpjekje historike për të promovuar barazinë gjinore dhe për të nxitur zhvillimin socio-ekonomik, Gender Equality Facility (GEF) ka zënë vend qendror në Kosovë. Mbështetur nga Bashkimi Evropian dhe zbatuar nga UN Women Kosova, GEF është një iniciativë pioniere e krijuar për të integruar barazinë gjinore nëpër sektorë dhe për të forcuar mekanizmin e barazisë gjinore në vendet kandidate të Evropës Juglindore. Nëpërmjet një sërë aktivitetesh dhe partneritetesh, GEF synon të krijojë rezultate më të barabarta për gratë, burrat, vajzat dhe djemtë, duke rritur njëkohësisht rrugëtimin e Kosovës drejt anëtarësimit në BE.

Kosova, si shumë vende, përballet me sfidën e kalimit të pabarazive gjinore dhe nxitjes së një shoqërie gjithëpërfshirëse. GEF synon ta adresoj këtë çështje drejtpërsëdrejti duke ofruar mbështetje strategjike për institucionet e përzgjedhura të Kosovës. Ankorimi i njohurive dhe aftësive gjinore brenda administratës publike bëhet thelbësor për formimin e proceseve të qeverisjes që u përgjigjen nevojave të të gjithë qytetarëve.

Duke njohur rëndësinë e kapaciteteve gjinore brenda qeverisë, GEF nënvizon përkushtimin e BE-së për Barazinë Gjinore në vitet në vijim. Si pjesë e strategjisë gjithëpërfshirëse, GEF synon të forcoj zbatimin efektiv të kornizës ligjore kombëtare dhe ndërkombëtare për barazinë gjinore dhe të drejtat e grave. 

Në partneritet me Programin e Kosovës për Barazi Gjinore 2020-2024, GEF ndjek qëllimin kryesor për të mbështetur Qeverinë e Kosovës në ndjekjen e politikave të BE-së për Barazinë Gjinore. Kjo përpjekje synon të prodhoj rezultate pozitive të zhvillimit socio-ekonomik për të gjithë qytetarët, pavarësisht gjinisë.

GEF angazhon një gamë të ndryshme të palëve të interesuara dhe partnerëve, duke përfshirë Agjencinë për Barazi Gjinore (ABGJ), Zyrtarët për Barazi Gjinore (ZBGJ), Institutin e Kosovës për Administratë Publike (IKAP), Zyrën për Bashkëpunim Zhvillimor në Zyrën e Kryeministrit, ministritë e linjës, strukturat e qeverisjes sektoriale, dhe Zyrën e BE-së në Kosovë, ndër të tjera. Kjo qasje bashkëpunuese synon të siguroj ndikimin më të gjerë të mundshëm në shoqëri.