Thirrje për aplikime: Garë e filmit të shkurtër

Për të tretin vit radhazi, Shtëpia e Evropës mbështetur nga Zyra e BE-së në Kosovë dhe Cineuropa organizon festivalin e filmit të shkurtër “European Film Festival”.

Me qëllim të mbështetjes dhe promovimit të krijuesve kosovar filmik, këtë vit për herë të parë festivali do të jetë i hapur për pjesëmarrje, duke i mundësuar artistëve kosovar të shfaqin filmat e tyre në Prishtinë, Mitrovicë të Veriut, Gjakovë dhe “online”, si dhe të futen në garë për të fituar njërin nga tri çmimet kryesore:

• Filmi më i mirë: 1000 euro*
• Aktori/aktorja më i/e mirë: 1000 euro*
• Regjisori/regjisorja më i/e mirë: 1000 euro*

Prandaj, përmes kësaj thirrje ftojmë të gjithë krijuesit kosovar filmik, që të aplikojnë për të qenë pjesë e festivalit, dhe për të hyrë në garë për njërin nga çmimet kryesore.

Kriteret e pjesëmarrjes

• Të pranueshëm janë filmat e metrazhit të shkurtër nga të gjithë krijuesit filmik kosovar.
• Të gjitha zhanret janë të pranueshme.
• Kohëzgjatja maksimale e filmave duhet të jetë 30 minuta.
• Vetëm filmat e prodhuar pas 1 janarit 2018 pranohen.
• Të gjitha formatet filmike pranohen.
• Vetëm një aplikim (film) nga i njëjti aplikues/krijues pranohet.

Procesi i përzgjedhjes

• 10 filma të shkurtër vendor do të përzgjidhen për t’u shfaqur në ekran të madh, në tre ngjarje të ndryshme të festivalit.
• Filmat nuk do të përzgjidhen sipas shpërblimeve apo përzgjedhjeve paraprake që kanë pasur në festivale.
• Krijuesit filmik të përzgjedhur do të kontaktohen përmes emailit.
• Festivali nuk do t’i mbulojë shpenzimet e udhëtimit dhe nuk do t’i paguaj krijuesit për shfaqjen e filmave në ekran të madh. 

Juria

• Jurinë e përbëjnë profesionistë nga bota e kinemasë, televizionit, filmit.
• Vendimi i jurisë do të jetë i parevokueshëm.
• Të tri çmimet do të ndahen sipas vlerësimit të jurisë

Aplikimi

• Afati i fundit për dërgimin e filmave është 14 korrik 2021, ora 17:00
• Filmat mund të dërgohen në email adresën info@europehouse-kosovo.com  me link nga platforma të ndryshme digjitale “streaming” (Vimeo, YouTube etj) dhe të jenë të mbrojtura me password apo të paqasshme për publikun e gjerë.
• Inkurajohen të aplikojnë krijuesit filmik nga të gjitha komunitetet.

*vlerat e paraqitura për pagesa ndaj individëve jane bruto, në momentin e pagesës do të zbriten konributi pensional dhe tatimi në të ardhura