Trajnimi për TIK i mbështetur nga BE-ja transformon peisazhin digjital të Kosovës

Qindra pjesëmarrës përfunduan trajnimin për Teknologji të Informacionit dhe Komunikimit (TIK), duke e rritur gatishmërinë e tyre për botën profesionale. Ky program gjithëpërfshirës 42 mujor po zbatohet nga një partneritet ndërmjet European Projects Management Ltd dhe Prishtina REA.

Një iniciativë e mbështetur nga BE-ja ka arritur përparim të dukshëm në rritjen e konkurrueshmërisë së bizneseve digjitale dhe tradicionale të Kosovës, duke nxitur rritjen dhe mundësitë e punësimit brenda sektorit të TIK-ut të rajonit.

I iniciuar në janar 2020, projekti “Mbështetja e BE-së për konkurrueshmërinë e sektorit të TIK-ut të Kosovës” u realizua në partneritet me plot bashkëpunëtorë ndërkombëtarë dhe lokalë. Ministria e Ekonomisë ka qenë një shtyllë e palëkundur për mbështetje dhe bashkëpunim gjatë gjithë këtij rrugëtimi.

Kjo përpjekje nxjerr në pah theksin e vënë nga qeveria e Kosovës në sektorin e TIK-ut si një shtytës vendimtar për zhvillimin ekonomik, paralelisht me trendet globale. Duke pasqyruar strategjinë e saj për TIK, qeveria synon jo vetëm ta mbyllë hendekun aktual të shkathtësive digjitale dhe të biznesit, por edhe ta përmirësojë pozitën e ndërmarrjeve lokale digjitale dhe tradicionale. Një rezultat i dukshëm i pritshëm është rritja e eksporteve nga bizneset kosovare të TIK-ut.

Duke u fokusuar në sigurimin e përvojave digjitale dhe të biznesit, projekti aspiron ta gjallërojë tregun e punës në TIK me profesionistë kompetentë. Gjatë zhvillimit të saj, iniciativa e ka lidhur me sukses sektorin privat me mundësi për trajnime joformale, si kurset afatshkurtra dhe të nxënit praktik. Po ashtu, janë rafinuar shërbimet e orientimit për karrierë, janë nxitur investimet e sektorit privat në ndërmarrje me fokus në hapjen e vendeve të punës, si dhe është hapur rrugën për ndërmarrës të rinj për të krijuar bizneset e tyre.

Kohët e fundit u zhvilluar një ceremoni për ndarje të çmimeve, me të cilën u shënua përfundimi i semestrit të gjashtë të projektit. Nga 340 pjesëmarrësit që e nisën rrugëtimin e trajnimit, 272 arritën sukses, duke reflektuar një përqindje mbresëlënëse prej 80%.

Përtej statistikave, ndikimi i thellë i trajnimit shfaqet nga përparimi i dukshëm në performancën e testeve hyrëse dhe dalëse të të diplomuarve.

I mbështetur nga BE-ja dhe bashkëpunëtorët e tij, ky projekt është dëshmi e fuqisë transformuese të trajnimit të organizuar mirë dhe të targetuar në sektorët në zhvillim, dhe rrjedhimisht, në tërë ekonominë.