Zbulo qytetin tim me Ambasadorët e Rinj Evropianë

Kosova është e bekuar me bukuri natyrore dhe qytete që datojnë që nga kohërat antike. Për të promovuar bukuritë dhe qytetet e saj, së bashku me Ambasadorët e Rinj Evropianë të Kosovës kemi filluar serialin “Zbulo qytetin tim”.

Në episodin e parë të serisë, së bashku me Fatbardh Kabashin, një ambasador i ri evropian nga Kosova, vizituam qytetin e bukur dhe të larmishëm kulturor të Prizrenit. Fatbardhi na çoi përgjatë lumit Lumbardh, rrugëve të ngushta me kalldrëm dhe shtëpive të vjetra të Shadervanit.

Parku arkeologjik i Ulpianës ishte ndalesa e dytë e serisë së videove. Së bashku me Amina Kajën kemi gjurmuar nëpër rrënojat e qytetit dymijë vjeçar, i cili falë mbështetjes së Bashkimit Evropian tashmë është i qasshëm për studentët.

Seria “Zbulo qytetin tim” me Ambasadorët e Rinj Evropianë po mbështetet nga Bashkimi Evropian në Kosovë.