Është hapur në Shtëpinë e Evropës në Prishtinë ekspozita e Lorik Sylejmanit dhe Bora Sylejmanit – ‘There’s nothing… more than this’.
Ekspozita përmban punime të artistit dhe mbesës së tij 9 vjeçare. Kjo është ekspozita e parë për vitin 2020 në Shtëpinë e Evropës në Prishtinë dhe rreth vetes mblodhi plot artdashës dhe bashkëpunëtorë të Lorikut.

Bora Sylejmani po debuton kësisoj si artiste e re e cila premton shumë.

Gjatë hapjes së ekspozitës folën dy artistët, Vjosa Berisha nga Shtëpia e Evropës dhe artistja Zake Prelvukaj.

Bashkimi Evropian në Kosovë vazhdon të promovojë dhe t’u japë hapësirë artistëve dhe inspirimeve të tyre artistike.