Shpallen finalistët nga Kosova për Çmimin Letrar të BE-së

Këta janë tre shkrimtarët nga Kosova, finalistë të Çmimit Letrar të Bashkimit Evropian për këtë vit.

– Azem Deliu, Shënimet e krimbit Smolinski (Notes of the Worm Smolinsky), Onufri
– Majlinda Bregasi, Gërsheti i prerë (The Cut Braid), Koha
– Shpetim Selmani, Libërthi i dashurisë (The Booklet of Love), Armagedoni

Këtë vit Kosova është një nga 13 shtetet pjesëmarrëse (Belgjika, Bosnja dhe Hercegovina, Danimarka, Estonia, Gjermania, Kosova, Kroacia, Luksemburgu, Mali i Zi, Maqedonia, Norvegjia, Qiproja dhe Spanja) për çmimin e Bashkimit Europian për letërsi, që synon afirmimin e kreativitetit dhe diversitetit gjuhësor e kulturor në letërsinë bashkëkohore të Europës.

Fituesi i çmimit nga lista e ngushtë do të shpallet në 19 maj.